ਯਾਦਾਂ ਨਾਲ਼ ਸ਼ਿੰਗਾਰੇ ਦਿਨ ।
ਦਿਨ ਦਿਨ ਕਰਕੇ ਬੀਤ ਗਏ
ਉਹ ਸਾਰੇ ਦੇ ਸਾਰੇ ਦਿਨ ।
ਕੱਠਿਆਂ ਕਰ ਕੇ ਥੱਕ ਗਏ ਹਾਂ
ਜਿਹੜੇ ਆਪ ਖਿਲਾਰੇ ਦਿਨ।
ਬਾਤਾਂ ਪਉਂਦੇ ਰਾਤ ਗਈ
ਭਰਦੇ ਪਏ ਹੁੰਘਾਰੇ ਦਿਨ ।
ਫੁੱਲਾਂ ਨਾਲੋ਼ ਹੌਲ਼ੇ ਸਨ ਹੁਣ
ਪੱਥਰਾਂ ਤੋਂ ਬਾਰੇ ਦਿਨ ।
ਰਾਤਾਂ ਦੀ ਉੱਡ ਨੀਂਦ ਗਈ
ਦਿਨੇ ਦਿਖਉਂਦੇ ਤਾਰੇ ਦਿਨ ।
ਹੰਝੂ ਬਣ ਬਣ ਡੁ੍ਲ੍ਹਦੇ ਰਹੇ
ਅੱਖੀਆਂ ਵਿੱਚੋਂ ਖਾਰੇ ਦਿਨ ।
ਭਵਸਾਗਰ ਵਿੱਚ ਦੋਬ ਰਹੇ
ਲਉਂਦੇ ਨਹੀਂ ਕਿਨਾਰੇ ਦਿਨ ।
ਲੱਗਾ ਅੱਜ ਤੱਕ ਭੇਤ ਨਹੀ
ਫਿਰਦੇ ਕਿਉਂ ਹੰਕਾਰੇ ਦਿਨ ।
ਬੁੱਢੇ ਬਾਰੇ ਬਚਪਨ ਦੇ
ਦੂਰੋਂ ਕਰਨ ਇਸ਼ਾਰੇ ਦਿਨ ।
ਅਉਣੇ ਨਹੀਂ ਦੁਬਾਰੇ ਦਿਨ
ਲਾ ਕੇ ਤੁਰ ਗਏ ਲਾਰੇ ਦਿਨ ।
- ਸ. ਅਨਾਮ ਗਰੇਵਾਲ
