ਗਜ਼ਲ......
ਗਜ਼ਲ....
ਬੇਰੁਖੀ ਹੈ ਚਾਰੇ ਪਾਸੇ ਹਰ ਮੌਸਮ ਬਿਮਾਰ ਜਿਹਾ
ਹਰਿਕ ਚੀਜ਼ ਵਿਕਾਊ ਹਰ ਵਿਹੜਾ ਬਜ਼ਾਰ ਜਿਹਾ ।
ਨਿੱਤ ਸੁਣਦੇ ਹਾਂ ਸ਼ੋਰ ਮਸ਼ੀਨਾਂ ਖੜਕਦੀਆਂ
ਕੁਝ ਨਹੀਂ ਸੁਣਦਾ ਝਾਂਜਰ ਦੀ ਛਣਕਾਰ ਜਿਹਾ ।
ਸੰਗੀਤ ਨਹੀਂ ਹੁੰਦੀ ਹਰ ਸਮੇਂ ਵਗਦੀ ਹਵਾ
ਕੋਈ ਬੁੱਲਾ ਤਨ ਤਪਾਏ ਜਦ ਕਟਾਰ ਜਿਹਾ ।
ਜਿਹੜੇ ਬੰਦੇ ਬਦਲ ਜਾਂਦੇ ਮੌਸਮਾਂ ਦੇ ਵਾਂਗਰਾਂ
ਓਹਨਾਂ ਤੋਂ ਵੱਖਰਾ ਵਸਾਈਏ ਚਲੋ ਸੰਸਾਰ ਜਿਹਾ ।
ਚਿਹਰੇ ਉਤੇ ਅੱਖਾਂ ਵਿਚੋਂ ਜੋ ਝਲਕਦਾ ਹੀ ਨਹੀਂ
ਓਪਰਾ ਉਹ ਦਰਦ ਜਾਪੇ ਲਿਆ ਜਿਵੇਂ ਉਧਾਰ ਜਿਹਾ ।
ਲੋਕਤੰਤਰੀ ਨੇਤਾਵਾਂ ਵਰਗੇ ਸੱਜਣ ਬਥੇਰੇ ਨੇ
ਸਿਰਫ ਚੋਣਾਂ ਸਮੇਂ ਹੀ ਦਿੰਦੇ ਨੇ ਦਿਦਾਰ ਜਿਹਾ ।
ਸਿਰਜਣਾ ਦੇ ਪਲ ਬੜੀ ਮੁਸ਼ਕਿਲ ਮਿਲਦੇ
ਸ਼ਬਦਾਂ ਬਾਝੋਂ ਲਿਖਣਾ ਲੱਗਦਾ ਬੇਕਾਰ ਜਿਹਾ।
(ਬਲਜੀਤ ਪਾਲ ਸਿੰਘ)
ਪੋਸਟ ਤਾਂ ਤੁਸੀਂ ਪਢ ਲਈ, ਹੁਣ
1 टिप्पणियाँ:
ਬੇਰੁਖੀ ਹੈ ਚਾਰੇ ਪਾਸੇ ਹਰ ਮੌਸਮ ਬਿਮਾਰ ਜਿਹਾ
ਹਰਿਕ ਚੀਜ਼ ਵਿਕਾਊ ਹਰ ਵਿਹੜਾ ਬਜ਼ਾਰ ਜਿਹਾ ।
bahut khoob ....!!
ਨਿੱਤ ਸੁਣਦੇ ਹਾਂ ਸ਼ੋਰ ਮਸ਼ੀਨਾਂ ਖੜਕਦੀਆਂ
ਕੁਝ ਨਹੀਂ ਸੁਣਦਾ ਝਾਂਜਰ ਦੀ ਛਣਕਾਰ ਜਿਹਾ ।
waah.....Baljeet ji bahut vadhiaa .....!!
एक टिप्पणी भेजें