ਦਿਨ
ਈ-ਮੇਲ ਰਾਹੀਂ ਮਿਲੀ ਸ. ਅਨਾਮ ਗਰੇਵਾਲ ਜੀ ਦੀ ਗ਼ਜ਼ਲ
ਯਾਦਾਂ ਨਾਲ਼ ਸ਼ਿੰਗਾਰੇ ਦਿਨ ।
ਦਿਨ ਦਿਨ ਕਰਕੇ ਬੀਤ ਗਏ
ਉਹ ਸਾਰੇ ਦੇ ਸਾਰੇ ਦਿਨ ।
ਕੱਠਿਆਂ ਕਰ ਕੇ ਥੱਕ ਗਏ ਹਾਂ
ਜਿਹੜੇ ਆਪ ਖਿਲਾਰੇ ਦਿਨ।
ਬਾਤਾਂ ਪਉਂਦੇ ਰਾਤ ਗਈ
ਭਰਦੇ ਪਏ ਹੁੰਘਾਰੇ ਦਿਨ ।
ਫੁੱਲਾਂ ਨਾਲੋ਼ ਹੌਲ਼ੇ ਸਨ ਹੁਣ
ਪੱਥਰਾਂ ਤੋਂ ਬਾਰੇ ਦਿਨ ।
ਰਾਤਾਂ ਦੀ ਉੱਡ ਨੀਂਦ ਗਈ
ਦਿਨੇ ਦਿਖਉਂਦੇ ਤਾਰੇ ਦਿਨ ।
ਹੰਝੂ ਬਣ ਬਣ ਡੁ੍ਲ੍ਹਦੇ ਰਹੇ
ਅੱਖੀਆਂ ਵਿੱਚੋਂ ਖਾਰੇ ਦਿਨ ।
ਭਵਸਾਗਰ ਵਿੱਚ ਦੋਬ ਰਹੇ
ਲਉਂਦੇ ਨਹੀਂ ਕਿਨਾਰੇ ਦਿਨ ।
ਲੱਗਾ ਅੱਜ ਤੱਕ ਭੇਤ ਨਹੀ
ਫਿਰਦੇ ਕਿਉਂ ਹੰਕਾਰੇ ਦਿਨ ।
ਬੁੱਢੇ ਬਾਰੇ ਬਚਪਨ ਦੇ
ਦੂਰੋਂ ਕਰਨ ਇਸ਼ਾਰੇ ਦਿਨ ।
ਅਉਣੇ ਨਹੀਂ ਦੁਬਾਰੇ ਦਿਨ
ਲਾ ਕੇ ਤੁਰ ਗਏ ਲਾਰੇ ਦਿਨ ।
- ਸ. ਅਨਾਮ ਗਰੇਵਾਲ
ਪੋਸਟ ਤਾਂ ਤੁਸੀਂ ਪਢ ਲਈ, ਹੁਣ
4 टिप्पणियाँ:
Kubsurat nakasha bania hai shukria
ग्रेवा्ला जी बहुत खूबसूरत गज़ल है बहुत बहुत बहुत धन्यवाद और आपका सवागत है पंजाब दी खुश्बू ब्लोग पर्
ਅੱਖ ਤੁਹਾਡੀ ਵੀ ਨਮ ਹੋਏ ਬਿਨਾ ਰਹਿ ਨਹੀਂ ਸਕਣੀ
ਚੇਤੇ ਤਨਹਾਈਆਂ ਅੰਦਰ ਮੈਂ ਇਸ ਕਦਰ ਆਂਵਾਂਗਾ
ਮੇਰੇ ਬਾਦ ਜਦ ਵੀ ਤੱਕੋਗੇ ਰਾਤ ਨੂੰ ਉੱਪਰ ਵੱਲ
ਤਾਰਿਆਂ ਦੇ ਝੁਰ੍ਮਟ ਵਿਚੋਂ ਮੈਂ ਨਜ਼ਰ ਆਂਵਾਗਾ.
(ਬਲਜੀਤ ਪਾਲ ਸਿੰਘ)
Bahut khoob likhya hai Grewal ji ne.
Thanks for sharing.
एक टिप्पणी भेजें